Ola, ola! Benvidos, benvidas e benvides un domingo máis. Hoxe, malia que arrancamos un pouco nerviosas, vimos a falar dos tabús, de especializarte no xornalismo, da menstruación, da pílula e, en xeral, de ser muller. 

Laura Veiga, máis coñecida como Pingando.gal, ábrenos a fiestra a un novo xeito de facer xornalismo, sempre co foco na educación. Ao final a sogra de Marta non ten nada do que preocuparse, de momento. 

O único que podemos adiantar é que coa de temas que nos quedaron no tinteiro e o moitísimo que desfrutamos falando con Laura, ningunha podería descartar unha segunda parte para seguir aprendendo sobre sexualidade e deixar de terlle medo a esa parte de nós.