- Eg havi ein kærleika og djúpa virðing fyri tí, sum eg havi valt at fáast við.

Olaf Johannessen er aftur aktuellur, nú føroyska sjónvarprsøðin TROM verður frumsýnd. Og júst spurningurin, um tað er ein føroysk ella donsk krimirøð, hevur vakt kenslur hjá fólkum. Hjá Olafi Johannessen er eingin ivi, at hetta er ein føroysk sjónvarpsrøð.

- Fyri mær er hetta ein føroysk sjónvarpsrøð, tí søgan er føroysk, filmshandritið er føroyskt, tað er uppikið í Føroyum, og flestu leikararnir tosa føroyskt, sigur hann.