Diario Cultural Zeta número 27, que din os que saben que é a idade para morrer se te dedicas á música. Por sorte para todas, este non vai ser o último Zeta. Lucía Junquera comeza falando de fotografía (parece Silvia con Castroverde), concretamente de como retrataron Galicia as fotógrafas de fóra. Celia Riande volve á adolescencia coa nova serie de moda de Netflix, 'Heartstopper'. Poñémonos en modo politólogos, sen ser nós nada diso, coa visita no Cuestionario Zeta de Román Varela. Silvia López colle frio nos pés por culpa de tirar demasiado da manta, ou algo así. E os colaboradores Sara Donoso e Cibrán Tenreiro cumpren con creces a súa función de xente sabia.