我會記持細漢時攏是講茶甌仔，一甌水，敢若無咧講茶杯仔。但是開始學寫字講華語了，紲毋捌用過甌這字，攏是寫杯子、茶杯。

毋知有人研究過無？甌跟杯敢有啥物無仝？我干焦佇google揣到唐朝開始啉茶的時陣，吟詩做對的讀冊人就是用茶甌，共茶文化傳去日本的宋朝嘛是講茶甌，一直到清朝近代才有咧講茶杯。但是唐詩內底就有用到杯這字，較濟攏是跟啉酒做伙。我家己的感覺是甌就是較細塊的碗，無跤，用手捧的；杯是有跤的，用攑的。