Si Liberty Squire o mas kilala bilang Libby, ay isang 21 years old na nag aaral sa University of Hull sa England. Nasa ikalawang taon na siya sa University.

Isa siyang napaka aktibo at matalinong mag aaral. Nagkaroon din siya ng mabubuting mga kaybigan sa University. Sabi ng mga nakakakilala sa kanya, si Libby ay napakamasayahin, matalino, palabiro, at laging nagsisikap na isama ang lahat. Isa din siyang mapagmahal na ate, sa dalawang nakababatang kapatid. Malapit din si Libby sa kanyang ina na si Lisa, at sa amang si Russell.

Noon pa man ay napakatalino na ni Libby, at itinutulak nang husto ang sarili para makakuha ng matataas na marka. Pero sabi ng kanyang pamilya, sadyang napakataas din talaga ng standard ni Libby. Na naging dahilan naman na nagsimula siyang magkaroon ng problema sa kalusugan ng isip. Na nagresulta sa ilang pagkakataong pagpapatiwakal kaya't bumaba ang kanyang mga marka. Pero ipinagpatuloy pa rin niya ang kanyang pag aaral at nagsikap ng husto. Para muling makakuha ng matataas na marka. Na sa kabutihang palad, ay umani naman, ng matanggap siya sa University para mag aral ng Pilosopiya.