Uztailaren 20an Mont d'Marsanseko kartzelatik abiatu eta Zaballako kartzelara antolatu du Sarek bizikleta martxa 'Orain Presoak' dinamikaren baitan. «Herritarren aktibazioa» du helburu Inaxio Oiartzabal sarekideak esan digunez. Presoen salbuespen politika amaitzeko gurean dagoen adostasuna Madrilera eramatea gakoa da Oiartzabalen aburuz. Espainiako Gobernuak adierazitakoa zuhurtziaz hartu du Sarek, «hitzek ekintzak behar dituztelako». Alabaina, urrunketa amaitzeaz gain, «berehalako beste neurri batzuk» exijitu ditu.