唔知係咪每個人都會有少少強迫症，你哋又有冇啊？我諗作為香港人嘅我哋，應該唔多唔少都會有啲強迫症，話晒我哋都係全世界排名數一數二壓力大嘅城市。好似咩……潔癖啊、出門要檢查好多次自己有冇帶電話、鎖匙、銀包咁，原來強迫症其實都係一種對於自己生活嘅一啲焦慮嘅表現。所以大家都係唔好逼得自己咁緊啦，我都明有啲嘢自己其實控制唔到嘅，香港人放鬆啲啦！