自信是個好東西，我諗。。係香港呢個社會好似好多野都會慢慢剝削一個人由細到大儲落嘅自信心，細個好易俾人讚，但越大越覺得自己比唔上其他人，就係呢個社會樣樣野都要比較，做下自己都好似錯咗咁，或者呢個可能係人嘅妒忌心作祟，或者可能已經係一個現象，因為前一代人係咁，後代都會繼續係咁，所以將呢個思想繼承落去，導致宜家好多年輕人都好似冇咩自信。呢集唔係想笑迷之自信嘅人，反而係有啲羡慕佢哋唔會理世界嘅眼光，繼續做自己，彰顯自己。希望大家都可以做到佢哋咁，但都係自信就夠了，多咗就變咗質了，相信大家都希望做個有智慧嘅人😜