အာဏာသိမ်းမှုကြောင့် ဖြစ်ပေါ်လာသည့် ပဋိပက္ခများ၊ တိုက်ပွဲများနှင့် အထွေထွေအကျပ်အတည်းများကြောင့် ပြည်သူအများမှာ အခက်အခဲ အကျပ်အတည်းမျိုးစုံ ကြုံတွေ့နေကြရသည်။

စား၊ဝတ်၊နေရေး အခက်အခဲများအပြင် မလုံခြုံမှုများကိုလည်း ပြည်သူများမှာနေ့စဉ်နှင့်အမျှ ကြုံတွေ့နေကြရသည်။

တိုက်ပွဲဖြစ်ပွားရာဒေသများနှင့် ပဋိပက္ခဒေသများတွင် နေထိုင်နေရသော ပြည်သူများမှာ ပိုမိုဆိုးရွားခက်ခဲသော အခြေအနေများကို ရင်ဆိုင်နေရသည်။

လက်နက်ကိုင် အဖွဲ့များအနေဖြင့် ပြည်သူများကို ထိတွေ့ဆက်ဆံရာတွင် လေးစားလိုက်နာရမည့် ကျင့်ဝတ်များကို သိရှိလိုက်နာမည်ဆိုပါက ပြည်သူများအတွက် များစွာအထောက်အကူ ရှိမည်ဖြစ်ပြီး ပြည်သူများ၏ ယုံကြည်ကိုးစားမှုကိုလည်း ပိုမိုရရှိလာမည်ဖြစ်သည်။

ယင်းကြောင့်အမျိုးသားညီညွတ်ရေးအစိုးရ (NUG)က ထုတ်ပြန်ထားသည့် စစ်သည်တော် ကျင့်ဝတ်များထဲမှ ပြည်သူများနှင့် ထိတွေ့ရာတွင် လိုက်နာရမည့် ကျင့်ဝတ်များကို ဖော်ပြလိုက်ပါသည်။