Podcast Radio Cerna

ADEGA acode á Valedora do Pobo pola proliferación ilegal e incontrolada de eucalipto favorecida pola neglixencia da Xunta. Unha mudanza da administración galega na Lei Urbanística podería facilitar a instalación da macrocelulosa de Altri na Ulloa. Centos de persoas voluntarias retiran 1 tonelada de lixo no marco da XV Limpeza Simultánea de Praias. O Tribunal Superior de Xustiza de Galiza acordou a paralización cautelar do parque eólico Estivada, promovido nos concellos de Agolada e Antas de Ulla. Todo isto e máis, en Radio Cerna!

Unha nova campaña #TiPodesParalos procura fondos para frear nos tribunais unha liña de alta tensión que ameaza o patrimonio natural e cultural das bestas de Sabucedo. E en Lugo, ADEGA emprende a loita xudicial contra o desenvolvemento do Plan Parcial S5-I, que contempla urbanizar as nacentes do río Rato. A Comisión Europea outorga carácter estratéxico ao proxecto de mina de Cobre San Rafael nos concellos de Touro e O Pino, malia o rexeitamento veciñal e ecoloxista... E Altri agarda pola vitoria de Feijóo para se instalar na Ulloa. Todo isto e máis, en Radio Cerna!

ADEGA solicita para usos ambientais os 75.000 l/s que pretenden bombear Iberdrola e Naturgy na Ribeira Sacra. Máis de 900 participantes retiran 13 toneladas de lixo no marco da XIX Limpeza Simultánea de Ríos impulsada polo Proxecto Ríos. A Alianza Rural insta a mudar o Plano Forestal para acadar unha lei eficaz contra os incendios. Estas e outras novas da semana, en Radio Cerna!

Tracks: Route 66 / Mechanical

Music by https://www.fiftysounds.com

Unha ducia de entidades esixiron esta semana á Xunta información e explicacións sobre a recente ampliación da represa de Cabanelas, afluente do Umia. Ao tempo, ADEGA reclama que o Observatorio Galego da Biodiversidade emita un pronunciamento favorable sobre a solicitude para incluír o salmón atlántico galego no Catálogo Galego de Especies Ameazadas coa categoría de "En perigo de extinción". Máis de 75 limpezas simultáneas de ríos terán lugar esta fin de semana en medio cento de concellos de toda Galiza, organizadas por ADEGA e Proxecto Ríos en colaboración con multitude de colectivos, concellos e centros de ensino. Todo isto e máis, en Radio Cerna!

Tracks: Route 66 / Mechanical

Music by https://www.fiftysounds.com

Un informe interno da Xunta recoñece "riscos irreversíbeis" na ría de Arousa derivados da mina de cobre de Touro e O Pino. E na Limia, a Xunta recoñece tamén agora que a contaminación das augas ten unha orixe “significativamente agraria” e prohibe novas explotacións gandeiras intensivas e ampliacións das xa existentes na comarca. Varias entidades ecoloxistas piden á Xunta apoiar a catalogación do salmón atlántico como “En perigo de extinción” no conxunto do Estado, despois de que o Comité Científico validase a proposta para incluír a especie no Catálogo Español de Especies Ameazadas. O Concello de Muros paralizou cautelarmente unhas obras na zona intermareal de Punta Abelleira tras a denuncia de ADEGA, ao comprobar que non contaban coas autorizacións pertinentes. Todo isto e máis, en Radio Cerna!

Tracks: Route 66 / Mechanical

Music by https://www.fiftysounds.com

O lume volve ao Courel. Un incendio en Quiroga arrasou máis de 420 hectáreas e pon en alerta varias aldeas. A rotura dunha foxa de xurro con máis dun millón de litros en Tordoia causa unha vertedura na contorna do río Bustelo. E o pasado domingo, arredor dun cento de persoas concentráronse en Ribadumia para reclamar a demolición da represa de Cabanelas, no río Umia, e defender o seu funcionamento natural. Cúmprense 30 anos do derrube do vertedoiro de Bens, na Coruña, unha catástrofe na que unhas 200.000 toneladas de lixo se desprazaron pola ladeira do monte até chegar ao mar. Todo isto e máis, en Radio Cerna!

Ons non é illa para especies en perigo. Nova agresión ao patrimonio natural galego: exemplares da xesta de Ons, unha especie en perigo de extinción, foron eliminados durante labores de roza dos camiños na illa. Na outra cara da moeda, as 500 árbores plantadas por voluntariado de ADEGA nos montes queimados de Valdeorras medran en boas condicións. Un ano despois dos graves incendios forestais que arrasaron os montes da comarca, a vida ábrese paso neles. Ademais, ADEGA-Lugo reafirma o seu compromiso histórico coa defensa do territorio fronte á especulación urbanística de Barreiros. Todo isto e máis, en Radio Cerna!

Neste programa de Radio Cerna abordamos a situación de seca que enfronta Galiza e a intención da Xunta de estudar a creación de novos encoros. Fronte a esta proposta, ADEGA demanda medidas que fomenten unha nova cultura da auga, baseada no aforro e no combate ao desbaldimento. En Castroverde, ADEGA denuncia tamén o recheo dunha zona húmida por parte dunha explotación gandeira. En materia eólica, outro proxecto continúa coa súa tramitación a pesar de ser paralizado cautelarmente polo TSXG. E rematamos en Ons: a Xunta está a converter o Parque Nacional das Illas Atlánticas nun resort turístico. É a denuncia de ADEGA e outros colectivos ante as obras de “acondicionamento” desenvolvidas en varios espazos.

A Xunta delcara a emerxencia cinexética do xabarín e privatiza así a xestión da fauna salvaxe en favor dos cazadores. En materia eólica tamén hai novidades. Empresas con parques eólicos paralizados cautelarmente polo Tribunal Superior de Xustiza de Galiza están a solicitar agora a declaración de utilidade pública para poder expropiar terreos. E ademais, súmase outro proxecto ao ronsel de eólicos paralizados cautelarmente. O TSXG acaba de acoller a solicitude de ADEGA para o parque eólico Fial das Corzas, promovido por Iberdrola nos concellos de Laza e Vilar de Barrio. Galiza dispón xa de capacidade para tratar ata oito veces máis residuos da construción e demolición dos que xera cada ano. Todo isto e máis, en Radio Cerna!

Galiza entra un ano máis na época de máximo risco de incendios forestais cos deberes sen facer. A Xunta volve adiar a declaración das zonas vulnerables á contaminación por nitratos e acumula xa 26 anos de demora no cumprimento da normativa europea. A campaña de micromecenado "Río Rato sen cemento", impulsada por ADEGA-Lugo para recorrer nos tribunais o plan urbanístico previsto nas nacentes do río Rato, reúne os primeiros 6.000 euros en menos dun mes. Todo isto e máis, en Radio Cerna!