Poetry Podcast - Diwali - EP 20 | Pankaj Upadhayay | Euphony |  Poetry and video Pankaj Upadhayay Euphony Films Sydney Australia  ----------------------------------------------------  

Diwali Poem by Pankaj Upadhayay  

Diwali Poem by Pankaj Upadhayay  

Tulsi ki puja Chandan ka tika Shankh ki dhwani Laxmi Ganesh ki aarti  

mata pita ke dulaar wali subahein bhaiyon aur behnon se ghiri shaamein woh muhalle ki badmashiyan 

woh daer raat ke patakhe  Pariwar ko jodne wali 

Man ko khushiyon se bharne wali Sabhi dukhon ko bhulaane wali 

Khushiyon ki roshni se nahlane wali Dekho Diwali aayee  

Reshami saariyon ka ek baar fir itrana Didi aur Bhabhi ka har roze darji ke chakkar lagana 

 Roze subah hoti ho phoolon ke baag se shaam hoti ho sigri ke aaloo aur sarson ke saag se 

 Woh’ Ghar ke angan mein diya jalana Chat pe jugnu si jagmagati Jhaalar lagana 

wo Loudspeaker pe laxmi ganesh ki arti Ma Kali ki puja aur Shiv ki stuti  

Sabhi ke hoton pe muskaan lane wali pavitra Kopre ke dhuyein se mehkane wali 

Andhere raaton mein jagmagane wali Vijay parva ke pawaan rangoli se nahlane wali 

Fir se dhamake wali wahi Diwali aayee  Woh steel ki balti mei patakhe jalana 

Woh thumbsup ke bottle mei rocket lagana Woh Khilaune bandook se dadi ko darana 

Wo ghee ke diye se kajal churana  Anaar chakri rocket aur fuljharian Baarood ki khubshuu, 

woh bachpan ki galiyaan Wo nukkad ke har dukaan ke pakwaaan taadna 

Wo chauraaste ki subah mein kachouri aur jalebi faadna 

Wo kohrein ki sabzi aur imli ki chutney haat bazaar ki woh bheedh bhi apni 

Wo chaat ki qataar pe samose aur bhel bhi apni 

 Chahal pahal ki zindagi ko aur nikharne wali Amavasya ki raaton ko roshn karne wali Kitaabon,

 kapdon, barton aur gaadiyon ko pujne waali Padosiyon ko aur muhalle ko apnane wali 

Ghujiyon, puriyaan, maalpuwe aur pulav ki dawaat wali Swastik ke chinhon se gharon 

ko sajaane wali Sabhi ko pyaar se  gud gudane aur apnaane wali Pariwaar ko shubh

 laabh ke roli mein pirone waali   Dekho fir se wahi jagmagati khushiyon wali diiwaali ayee !! 

 Hope you liked the poetry.  This is Pankaj, signing off  Fir milenge Thank you !!  

Written: 12th Nov 2020 1100 pm Video made on 03rd Nov 2021 Pankaj Upadhayay