"Í gaman og álvara", "Hørpuspælarin" og "Á fold eru túsund gudar" eru tríggjar útgávur, har Hanus G. Johansen hevur gjørt løg til yrkingar hjá Poul F. Joensen. Serliga Gaman og álvara er vorðin ein klassikari í føroyskari tónleikasøgu.

18. november eru 120 ár síðan Poul F. var borin í heim, og tað verður hátíðarhildið.

Hanus G. Johansen hevur sín lut í, at Poul F. framvegis er so kendur millum fólk, tí sangirnir eru nógvir vorðnir fólkaogn. Hanus sigur, at hann hevur nógv tilfar afturat eftir Poul F. liggjandi, sum bara bíðar eftir at vera útgivið.