Umframt at dansa í Klaksvíkar Dansifelag, dansar Poul Ivan við børnum, og tá skipar hann m.a. Brestiskvæði. Rættiliga nógv børn dansa í Klaksvíkar Dansifelag. Tey eru úr 7 árum upp í eini 14 ár.

Hjá Poul Ivan varð áhugin fyri kvæðum og dansi kveiktur í skúlanum, har hann dansaði hjá Ásbirni Lómaklett. Klaksvíkar skúli hevur ta skipan, at allir flokkar læra eitt kvæði, sum tey so kvøða á føstulávint. Poul Ivan heldur, at hetta ger, at fleiri fáa hug at fara upp í dansifelagið.