स्वदेशमा रोजगारी नपाएका नेपाली युवाका लागि वैदेशिक रोजगार बरदान सावित भइरहेको छ । अधिकांश युवा श्रमिकको रुपमा मलेसियाका साथै खाडी राष्ट्रहरु युएई, कतार, साउदी अरबिया, कुवेत, बहराइनलगायत देश जाने गरेका छन् । तर, मजदुरी गर्न जाने नेपालीहरुले घर परिवारको खर्च चलाउन दुःख गरेर पठाएको रेमिट्यान्सले देशको अर्थतन्त्रलाई समेत ठूलै भरथेक गरेको छ । रेमिट्यान्स भित्र्याउँदै गर्दा वैदेशिक रोजगारीले समाजमा विसंगती पनि बढाउँदै लगेको छ । जसका कारण पछिल्लो समय सम्बन्ध विच्छेदका घटना बढ्दै गएको पाइएको छ ।