Alberto Rodríguez entrevistou no seu programa MUNDO DEPORTIVO DO VERDUGO-OITAVÉN ao presidente da S.C.D. Pontecaldelas, Pedro Rodríguez, para analizar o inicio de liga do equipo en Segunda Autonómica onde aínda non conseguiu inaugura-lo seu casilleiro de puntos. O presidente dixo sentirse tranquilo e confiado no traballo do adestrador e dos xogadores que adestran con gran intensidade aínda que recoñeceu a premura de puntuar co fin de eleva-la moral da plantilla e dos siareiros.