Hulumtimi “Niveli i të lexuarit në Kosovë: Sfidat në të kultivuarit e kulturës së leximit”, nxjerr të dhëna alarmante. Mbi gjysma e të anketuarve nuk arrijnë t’i listojnë tre tituj librash në total. Mbi 16 për qind e qytetarëve të anketuar nuk lexojnë asnjë libër në vit, derisa mbi 38 për qind thonë se lexojnë vetëm një deri në tre libra në vit. Vetëm 7.6 për qind e të anketuarve kanë deklaruar se lexojnë më shumë se 13 libra në vit. Sociologu Artan Krasniqi dhe psikologia Dafina Prokshi flasin për faktorët që ndikojnë në nivelin kaq të ulët të leximit, si dhe ndikimin që ka leximi në shëndetin mendor.