Re buisana le Tlotlisang Mokoena yo o eleng motlhami wa NPO e e bidiwang Glow Movement. Maikaelelo a yone ke go tlhabolola botshelo jwa basetsana mmogo le go neelana ka tshegetso go basadi. SABC le Motsweding FM di ntse di gatelela molaetsa wa go sireletsa basadi mo nageng, morago ga dipego tse di setlhogo tsa di polao mmogo le tshotlakako ya Basadi le bana. Mo nakong eno ya Lockdown Glow Movement e ntse e tsenya letsogo gape go fepa malapa ka go neelana ka dijo go bao ba ditlhokang.