Re nale Thabo Kofa yo eleng mogasi wa metshameko ko Lesedi FM, ke mogasi yo o simolotseng bogologolo mme a ala phate gore le rona re iphitlhele re ngoka ke radio. Ke mongwe wa bao ba ka go kaelang ka selomi se tona se se itsegeng jaaka Radio Bug. Mme re mo itse ka Mr. Cool, ga se leina fela mm eke leina le le buang le seo a leng sone ka nnete. Ka 1992 o ile a tlhagelela ka magetla ga a ne a fenya Best Radio Commentator ka nako eo ya Smirnoff League. Mme ngwaga le ngwaga go nale seo a se fenyang ka ntlha ya fa a tshela thupa! Ga jaana o santse a tsweletse go gasa le go ineela ka pelo yotlhe mo tirong ya gagwe ka go gasa thulaganyo ya Tsa Dipapadi. Re leba leeto la gagwe, metshameko mmogo le go rata radio.