舊年去日本前，牽仔是買一支自拍棒，才耍無偌久爾，遙控器就落佇船頂險險撿袂轉來，佳哉查某囝的手指頭仔幼秀閣長，才共救轉來。（ https://bit.ly/49jcTNL ）

這遍去日本前，牽仔是開幾偌萬去買一支新手機仔，耍到上尾三工，有一遍欲共自拍棒搝長的時陣，手機仔紲夾無好勢，雄雄摔落去塗跤！雖然毋是我摔的，我嘛是去予伊唸到臭頭，好哩佳哉干焦傷到貼佇螢幕外口的保護片爾。無若傷到機身，毋但會予人唸爾，轉來台灣就愛閣開錢消災矣。牽仔講這逝來日本，有綴查某囝行幾偌間神社，算有拜有保庇到。

牽仔會買新手機仔，就是想欲翕較媠的相片、影片，然後加上音樂，共編做一齣一齣規家伙仔出去𨑨迌的紀錄片。牽仔有講過，伊咧編輯影片的時陣，就敢若共這遍的旅行閣行過一遍仝款，莫怪伊遮爾愛編𨑨迌的影片，這應該就是人所講的「歡喜做甘願受」，我就無像伊這款的精神跟氣力矣。

牽仔負責編，我就負責共影片囥去我的YouTube頂懸，分享予網路世界的朋友。若有朋友想欲綴阮牽仔閣去日本耍一遍，會使共影片點出來看覓喔！

# https://youtu.be/UvNh7E6ppB8 「20241116 白絲瀑布． 大淵笹場（茶園）． 富士山本宮淺間神社． 河口湖楓葉廻廊」

# https://youtu.be/JbWjQsxSCU8 「20241117 五合目（富士山之歌）． 小御嶽山社． 新屋山神社」

# https://youtu.be/mIIHeyCnaYM 「20241118 山中湖旭日丘湖畔綠地公園． 新倉山淺間神社（忠靈塔）． 西湖療癒之鄉根埸． 冰穴． 大石公園」

# https://youtu.be/IE6b5nmPtSU 「20241119 山中湖（長池親水公園． 白鳥浜）． 箱根神社． 自助加油還車。20241120 鎌倉鶴岡八幡宮． 茶房空花午餐． 長谷寺」

# https://youtu.be/5y1ndZyvRQk 「20241121 江島神宮（階梯超多）. 岩屋. 明治神宮外苑（銀杏大道）. 明治神宮」

# https://youtu.be/-txKtSS6aEk 「20241122 東京大學銀杏並木. 上野恩賜公園不忍池（划船） 屋形船（壽喜燒、三味線琴、船頂看夜景）. 坐秀祭. 東京塔。20241123 小網神社. 秋葉原瑞索爾住宿酒店」