ဒီဇာတ်လမ်းတွဲလေးက တရုတ်နိုင်ငံရဲ့ပထမဆုံးဧကရီဖြစ်လာတဲ့ မီယွဲ့ဧကရီရဲ့အကြောင်းကို တင်ဆက်ပေးထားတာဖြစ်ပါတယ်။ သာမန်မင်းသမီးငယ်လေးဘဝကနေ ဧကရီမယ်တော်ကြီးအထိဖြစ်လာခဲ့တဲ့မီယွဲ့ရဲ့ ကြမ်းတမ်းလှတဲ့ဘဝခရီး၊ ရှုပ်ထွေးလှတဲ့နန်းတွင်းရဲ့ကြောက်မက်ဖွယ်လှည့်ကွက်တွေကြားက ခက်ခက်ခဲခဲရုန်းကန်ရှင်သန်ခဲ့ပြီး၊ ချင်နိုင်ငံတော်ကြီးရဲ့ ပထမဆုံး ဘုရင့်မယ်တော်ကြီးဖြစ်လာတဲ့အထိ အမျိုးမျိုး အဖုံဖုံသော စိတ်လှုပ်ရှားမှုတွေ၊ နာကျဉ်းရမှုတွေ၊ အခက်အခဲတွေကြားမှကျားကုတ်ကျားခဲ ကြိုးစားရပ်တည်ခဲ့ရတာတွေစတဲ့မီယွဲ့ ရဲ့ ဘဝဇာတ်ကြောင်းအစုံအလင်ကို “ရာဇဝင်ထဲကမီယွဲ့ဧကရီ” ဇာတ်လမ်းတွဲမှာ တစ်ဝကြီးနားဆင်ခံစားရမှာဖြစ်ပါတယ်။