अघिल्लो वर्ष समयमै मल आपूर्ति गर्न नसक्दा चर्को आलोचना खेपेको सरकारले यो वर्ष रासायनिक मलको हाहाकार हुन नदिने दाबी गरिरहेको थियो । कृषि तथा पशुपन्छी विकास मन्त्रालयले पनि किसानलाई मल सहजै उपलब्ध गराउन तयारी अवस्थामा रहेको दाबी गरेको थियो । तर, यसपालि पनि धानखेती लगाउने र हुर्काउने समयमा अघिल्लो वर्ष झैँ मलको हाहाकार भएको छ । अहिले धानमा रासायनिक मल हाल्ने बेला भएको हो, तर किसानले मल पाएका छैनन् ।