___POD: Shunen adjes: O bershesko rapporto anda Brå sikhavel ke so maj but si opre dine fallura pa xenofobia karing kristianura kaj e policia. E siffri sikhaven ke kado vazdas pe paschi trivaleste desar o 2010-bersh. Vi romane khangera thaj kristianura nakhle kado, phenel amenge o rom o Lars Dimitro kaj so si pastoro ando internationella romska evangeliska missionen, thaj ame kherdam leske telefono te zanas majbut avri pa kado. O Skåne phende na karing e Sverigedemokratongi reklama ande lokalni trafika. Radio Romano vorbisardas romensa te shunas soske si lenge gindura thaj reakciji pe kado. Thaj po agor shaj shunen ame live anda Skansen kaj kezdisajlas adjes e Romane kulturake djesa. Po than amensa avla o organizatori o Erland Kaldaras te phenel amenge so von kheren kothe.