Ande adjesutno programo saj sunen soske gindura aj komentarura si le swedos kanna avel kaj e situacia ke o grekitsko premiärminister o Giorgius Papandreuos mukel pesko tan, aj vaj e krispaket saj zutija e grecia chachimasa.

Ando Stockholmo inkren akana jek gejmongo kidipe kaj bushol gamex 2011, so kerdjol kothe aj soskej le maj popularni gejmura saj sunen maj angle ando programo.

Po agor saj sunen sar o Brahim Spasic kaj si jek romano aktivista annda Francuzo, kerel buci aj soske pharimata vov dikel la romana situaciasa.