Ando adjesutno programo saj sunen pa e economicno kriza kaj barol ande europé, ekonomura krujal o EU phenen ke e economia ashadas te barol aj akana daran tenna kerdzol kade ke le ternimata baron andek samhälle kaj naj les jek possitivno dikipe pe vrama maj angle.

Ando Arvidsjour sas jek kidipe kaj bushol genus aj demokrati, aj o kidipe kerde anda kodo te diken sar saj vazden le romane zuvlangi situacia ando them, tume birisardan te sunen sar sas kothe po kidipe kana e Ramona vorbijas amenca marcine kado kurko, aj adjess das tume jek maj lungo reportagi pa kado kidipe.

Adjesi parastuj aj sar sako detradzi aj parastuj ando radio romano mukas tumenge reportagi aj artiklura pangle la kulturasa. Adjess vazdas o temato pa asape, uni penne ke kodol kon asan but trajin maj but, no o pushipe adjess si soj le romenge asavno aj si le romen lengo humor?