Ando adjesutno Radio Romano birina avela ame jek themako djes. Sar kaj zianen pashol sigo varam o nationalno romano djes o 8 april. Thaj but rom chi kheren kado djes vorta kadi data ke malavel avri pe patradzi. Ame po Radio Romano vorbisardam diferentni romensa ande diferentni forura aj pushlam lendar so kheren von po romano djes. Ferik ke anglunes gelas o Rafael Szoppe aj pushlas svedondar so von zianen pa romano djes?

E Tanja Hagert anda RKRS Romani Kvinnans Rätt I Samhället phenel amgenge pa sar von ando Luleå kheren o romano djes kaj zial lende o 31 mars, aj soske si la gindura pa kado djes.

O Erland Caldaras ando Malmö kerel kote e romensa o djes 15 april, thaj phenel vov amenge sostar von kadi data alosarde, aj sos von kherna kado djes.

Ando Göteborg alosarde e rom te kheren o romano djes o 8 april kival si e patradzi, o Bagir Kwiek anda kulurako centro e romenge vorbij amenge so kerdziola ando Göteborg.