Sar ikerdilo o 1 maj, thaj o Stefan Löfven ando piro angluno vakeribe sar sherutno e Socialdemokratiengo ando Geteborgo, phenda kaj but terne si bi buchako thaj trubul te delpe bucha e ternenge.

Jekh internationalno romani konferencia e anvea "World Roma Organisation Rromanipen " ikerdilji ando them i Srbija ano sherutno foro Beograd kotar o 20 dji ke 22 aprilo ano kher e parlamentisko kaj ljije than e roma katar e 26 thema kotar e drago ljumia. Ando akava kedipe ljilje than vi e roma kotar o Shvedo jekh ljendra sas o Bagir Kwiek katar o Geteborgo.

Ani Uppsala komun kerdape jekh than savo akhardol Cafe Romano kaj maladjon jekh var ano kukrko svako tretradjine te den zutipe e romen sven si kontakto e komunasa. Sar von keren buchi ka ashunen ando radio romano avdive.