Ando adjesutno programo birina te shunen pa sar kerdzilas maj slabo e buchako marketo vi thela o shon o mars. Thaj vazdel pe o procento anda le manush kaj so naj le bucha. Kado phenel o Arbetsförmedlingen ando pesko nevo rapporto.

O Ali Esbati si jek anda kodol kaj sas kothe po than kana mudardas o Anders Behring Breivik opral e 70 manushen ande Utöya ando Norvego. Thaj adjes avla vov po than ando Oslo kana o Breivik dela peski testimonia. Vov adjes ulavel peske gindura angla e krisi.

Rom katar o Balkan butivar kamle te phenen ke si patriotia ando them kaj train thaj butanda lende gele ande ketane/askera/ vojasa. Numa vi o zakono rodola ljendra te keren godo. Te na kerena godo djana but bersha ando phanljipe.