Nevipe: O regeringo kamen te vasden jek nevo sakono te shaj avel janglipe kaj o myndigheterna pe manuchengi etnisk bakgrund aj vi but kaver informatcia. E Hillevi Engström kaj si Arbetsmarknadsministro penel ke kado sakono trubul pe maj angle e temeske.

Romani: Sar ashundan o kaver kurko vasda le rom ando Svedo kritika karing o dokumentero so sas sikado ando SVT katar o UR. Ame pe Radio Romano dam duma kon e rom ando Bulgaria te janasa majbut pe kado tan so von akaren "Hotel Paradiset" ando dokumentero.

Pe agor ando programo shaj ashunen pe o klichka "O Tari thaj e Zerfi" so si korkoro e klichka ando historia kaj si ramome sar jek roman pe romani chip ando Svedo. Ame maladjilam kon e tjej katar o rom kaj ramosarda e klichka.