Ande adjesutno programo shaj shunen sar illegalnie anen andre tobako ando svedo, jek nevo systemo arakle kaj kerdas kade ke o tullen but vrama gindojas ke maj cerra garudine vaj illegani civarri anen ando them, akana dinne pe dosz ke e situacji safchem kaveri. Kothar paj ek chorripe po kaver, ke akana zal jek rodipe karing le firmi kaj site zutin le manuszen kaj nasvalkerdej, personliga assistenter, adjess si gindo ke 1,5 miljardura koroni pochinde pe bedrägerier. Maj angle shunena jek reportago, pa bakro. O bakro perdas desze berszengo, aj akana gindon but zhene morem konni o bakro, o bakro si o gluvno karaktero ande e seria kaj si ande gazeta e Romani Glinda, maj but pa kado po agor le programosko. Kado kurko si ame po radio romano te vazdas e tamotura pa le resande, aj adjess shaj shunena sar jek resande zuvli acharel pe aj sar voj dikel pe e situacia kaj si adjess ando swedo.