Avdive 5 EU thema den proposlao te irinolpe e vizako sistemi e themenge Srbija thaj Makedonija, odoljestar so sar phenen e migraciake ministaria aven but Roma te roden ekonomijako azili. Sar train e Roma ando Kosovo avdive pala e marimata savo sas 1999 bersh, savo trajo ljen si sar minoritetia ano them o Kosovo dja te ashuna jekh reportaza. Ani Valencia sas jekh kedipe pa e romengi situacia andi Spanija thaj Francuzo, po than sas o lingvistit thaj romano aktivisti o Marcel Kortiade kotar o Francuzo. So von vorbisrade ando kedipe dja te ashuna so phenda vov. Le rom ando Ungro inke zhukaren penge love, sar kopezacia so kerdape ando dujto lumako maripe, e phurenge unukia vorbin e historie so ashunde katar pire phure, jekh ljendar si e familjia Horvath gade von vorbin. Ando Bukerst ani Rumunia vorbilpe putarde kotar o sikljovibe e romane chibjako ando Univerziteto o Gorg Sarao phenol sar djal e buchi pe akava puchipe thaj pa o seminari savo sas ikerdeo ando kurko savo nakhla pa e tema mila