Garado telfonosko vakeribe mothol kaj kerdepe bare hohavimata thaj sistematsko choribe ani firma Panaxiakocernen. Avdive ljolpe e konferencia pa e nationalne minoritetia thaj sar von ljen kotor ando them o Svedo sar ulje pindjarde, thaj sar o Svedo ikerolpe pa o Europarådets minoritetskonvetion. Akava kedipe organizinol o Länsstyrelsen ando Stockholmo. Majbut se jekh bersh nakhlja sar ljiljape o sistemi te dolpe betyg ano shkole. E betyg save denpe si kotar e A dji ke F, e studentienge andi fundoni skola thaj vi andi gymnasia skola. Numa sa akava ane but skole kerda jekh trubulentno situacia ke sicara save na djanen sar te den betyg e chavorenge ando skole. Ano Stokholmo lundjarolpe e Kutruako kurko, avdive ano seminairum ka avol saipe te asunolpe e tema kotar e Romani literatura, kobor oj djal anglal thaj save pharipanca voj arakholpe.