Adjes birina te shunen sar o jivendisko viruso e vinterkräksjukan zial so maj zurales krujal intrego Svedo, thaj kado bersh ginade e doktora ke extra zurales site nasvajen e manush kadalestar. Kado vi znatchij jek vazdini rizika le maj phure manushenge. Maj angle ando programo birina te shunen jek kulturako artiklo kaj si e tema, sar dhiken e romane ternjimata pe romani kultura adjes. Si kade ke vi von kamen o te inkren e kultura sa kade konservativnie sar e traditionalni rom, vaj kerdzilas jek parujipe mashkar e maj terne? Thaj po agor shunasa sar jek mysticno zuralo odut dichilas ando cheri pe pherdo diferetni kotora ando intrego them. So sas kado odut thaj so kherdas shunena maj angle ando Radioromano.