Adzes ando Radio Romano: O procento pa e chavore kaj si avri bishade anda Shvedo pe zor vazdas pe zurales thelal kadala trin bersh. Ando 2010 bersh mukhlas o Migrationsverket andre 64 aktia kaj e policia sas o te bishaven avri chavoren kotar o Shvedo. O paluno bersh vazdas kadi cifra dzi kaj e 144 chavora. Avdive ka ashuna e daravni paramicha e Ratsvale vurmi. O Alex thaj e Saida panda na djanen kasko si odova rat ano daravno keher ando versh. Von ulavdjpe thaj e Saida gelji piri rig thaj o Alex ke piri rig palal e rateske vurme ando daravno keher, so ka dikhen? so ka arakhen? Dja te ahsuna o tritio kotor.