But sikavne anda kaver thema len buci ando shvedo sar sikavne ande skoli kana von nakhen jekh komplettovano edukatcia, kado sikavel jekh rodipe khatar Stockholms universitet. Sar si kana khiddel pe jekh manush ande jekh nevo kher? Adjes shunena sar jekh rom khiddel pe khatar jekh chorro kher thaj kiddel pe ande jekh maj nevo kher. Romani media ande radio thaj televizia naj ande but europake thema, thaj naj but mediaki buci khatar romane journalistura. TV BTR anda Makedonia si te kerel jekh bari konferencia sar te lashiarel pe e romengi situatcia ande media pa intrego europa. Po agor birina vi te shunen sar aratchi sas po koncerto khaj sas o Justin Bieber.