Adjes zhoja o 25 april thaj avilas e vrama te das tume ropportura so kerdziol krujal ande kaver thema ando Radio Chachimos. Ferik ke anglunes las ame katar e nationalni nevimata. O verdicto avilas adjes 11 karing o convictovano morderca o Peter Mangs kaj las temlica po trajo anda mudaripe thaj ke zumadas te mudarel. Sar si le azylantura line ando them o Kosovo kana aven kothe. Soski si o zutipe le themesko kana avel kaj e romani situacia. Ashen amenca te shunen maj but. Pala kode zias kaj e Romunia kaj sas jek romano kongresso thaj sas o Florin Cioba alosardo sar prezidento ando International Romani Union vaj IRU. Amari reporterka e Carmen Marcu vorbisardas lesa pa e buchi kaj si angla leste akanak. Thaj po agor das tume jek artiklo anda Ungro kaj sas jek khidipe pa e romane ziuvlangi situacia ando them. Soskij e situacia thaj so sas phendo kothe birin te shunen ando Radio Romano adjes.