E shkoli ando Svedo chi den kodo zutipe sar kaj trobuj le shavoren vaj studenton kaj so trobuj le extra zutipe ande shkola, thaj so maj but kasave fallura opredinej ando Skolinspektionen. E kherengi situacia si phari manushenge kaj naj le jek svedisko anav ando foro Malmö. Thaj e rom si jek anda kadal gruppi kaj acharen kado pharipe. Sar te kheres te san ande policiaki registra thaj kames kompenzacija. Soske lila trobuj te eskiris? O Sin kherde jek lil kaj birin e manush te skirin peski informacia te len pochin katar o them. Maj but pa kado ando radio romano adjes. Maj angle ando programo das tume jek rapporo pa o Musikhjälpen kaj lelpe adjes pe rachate. O koncepto si ke trin pinziarde ziene den programura 24 chasura andek djes te khiden love te zutin manushen.