---Shunen adjes! E protecia kana phabol vaj o brandskyddet ande but asyl-khera thaj HVB-khera hibazij zurales, sikavel jek rhodipe katar o Shvedisko Radio. Kherdam telefono kaj o rom Afrim Azemi kaj si les jek HVB-kher ando Gustavsberg ando Värmdö, te pushas ame sar vov dikhel pe kado securita, thaj sar si leste. Sunita phirdas opral 5 bersh ande Uppsala Universitet thaj nakhlas e juridicno fakulteto thaj voj kamel te djenen vi kaver romane ternimata ke vi von birin te nakhen uche studie, ke kado si vazno ghindoj e Sunita. Shunen la adjes. Hynek Pallas skirisardas e kevnja "Oanpassbara Medborgarna", kaj si pa rom. Thaj si aktivno ando romano pushipe kana avel kaj e romane EU-migrantura. Shunen so phenlas kana sas amende ando studio.