Adjes ando programo. Ande Turcia majdur djal o rhodipe pala le responsibilni manush kaj zumade te kheren revolto karing o guvermento ando them, e rat mashkar o parashtuh thaj o savato. Zi akanak sas cirka 6 000 manush huchilde.

Ando kurko savo nakhla andi jekh pres konferencia ando Beograd katar e iniciatvia e manushege save sas viktimia telal o maripe ando Balkan. Mothodape kaj kerdape vi genocid- vaj sa mudaripe pe Roma andi Bosna thaj Hercegovina.

Kana sas o maripe andi purani Jugoslavi amen o Radio Romano, kerdam intervju e romenca save nashena katar o maripe. Jekh anda lende sas e Turkan savi mothoda piri historia so voj nakhla telal o maripe andi purani Jugoslavia.