---Shunen adjes. Tehara si zukardo o Eu-kommissionen te rekomendulij te len tele o kravo pe visa le 80 milijonora turkonge. Feri but Eu-thema den larmo ke shaj kesdija jekh bari imigratsia.

Romano Kulturako Centro ando Malmö thaj Hälsinglands Museum keren jekh projekta khetanes khaj kiden patretura pa rom thaj thana khaj e rom trajinas ando Shvedo zhi khaj e vrama 1960.

E finisko romnji e Diana Nyman phenel amenge ando adjesutno programo soj kodo jek romano concilo, thaj mangel majbut kasave krujal o Shvedo.

Opre Roma si jek dokumentarno filmo kherdo ande Italia kaj sikhavel e romengo trajo, kultura, pharimata thaj diskriminacia kaj von so nakhen ando them.