Desde onte podemos visitar o Rastrillo de Nadal de Manos Unidas de Mondoñedo-Ferrol na rúa Magdalena 48 de Ferrol. Coa delegada desta ONG da Igrexa, Remedios Rey, falaremos dos proxectos solidarios que se manteñen activos (mellora enerxética dun orfanato no Líbano e outro facilitando o abastecemento de auga potable para 750 familias na rexión de Mumeno en Mozambique), do incremento no número de socios ou da posta en marcha do equipo comarcal de Valdoviño.
Programa «O Espello de Mondoñedo-Ferrol» do venres 21.11.2025. Magacine semanal de actualidade diocesana, dirixido e presentado por Javier Martínez a través de COPE Ferrol e COPE da Costa-Ribadeo.