Fins al 29 d’octobre, lo musèu departamental de la resistencia de la deportacion de Garona-nauta fa omenatge a una femna granda. Talament granda que son entrada al Panteon en novembre de 2021 foguèt una de las ceremonias mai marcantas. Es pas cada jorn que la Republica consacra vertadièrament e sincèrament sa diversitat. Parlam aicí de la cantaira e militanta Joséphine Baker qu’acabèt sa vida sus scèna mas que la visquèt en Occitània dins lo Castèl de Milandas, un domeni situat en Dordonha. Al planpè del musèu, una cortina roja vos aculhís amb una ensenha luminosa. Es doncas pel biais de sa carrièra artistica que la guida vos fa dintrar los visitaires dins la vida plan emplenada de Joséphine Baker.

Soutenez-nous sur Patreon et helloasso.com !