Reykjavíkurnætur er heiti á þremur heimildaþáttum þar sem Sigyn Blöndal kynnir nokkra af nátthröfnum höfuðborgarinnar. Sumir vinna vaktavinnu, aðrir eyða nóttunum í að leita að Pokemon og enn aðrir upplifa rómantískar stundir um borð í hvalveiðibát. Margir halda fast í nóttina, aðrir fagna morgunbirtunni. Nú færist fjör í leikinn þegar við förum rúnt númer 3.

Við byrjum rúntinn á Landspítalanum og færum okkur svo í bæinn og kynnumst því hvernig er að vinna í miðbænum um helgar, löbbum Austurstrætið kl. 05:30 á laugardagsnóttu/sunnudagsmorgni og förum í ljósmyndatöku á höfninni við sólarupprás. Viðmælendur: Friðrik Yngvason, Birna Blöndal Sveinsdóttir, Atli Rúnar Hermannsson, Anna Björg Siggeirsdóttir og Sveinbjörn Ragnarsson.

Umsjón: Sigyn Blöndal.