«Տաշիր» բարեգործական հիմնադրամը լրացուցիչ միջոցներ է փոխանցել «Հայաստան» համահայկական հիմնադրամին՝ կորոնավիրուսի հետ կապված խնդիրներին աջակցելու նպատակով։

Հիմնադրամից հայտնել են, որ միջոցների մի մասը ուղղվելու է կառավարության կողմից ձեռնարկվող միջոցառումներին,որոնց նպատակը նոր տեսակի վիրուսի հաղթահարումն է։Գումարի մյուս մասը օգտագործվելու է Ռուսաստանի տարածքում մնացած Հայաստանի քաղաքացիների տեղափոխման ֆինանսավորման համար։

Ավելի վաղ «Տաշիր» բարեգործական հիմնադրամը 100 մլն ՀՀ դրամ էր փոխանցել կորոնավիրուսի դեմ պայքարի համար բացված հաշվեհամարին։