RTL - Nogehaakt

Am Luxembourg Science Center gëtt et Probleemer mat der Gouvernance

De President vun der ASBL Luxembourg Science, Nicolas Didier, huet gläichzäiteg eng Privatfirma, déi quasi exklusiv fir de Luxembourg Science Center schafft. Den Educatiounsministère, deen de Luxembourg Science Center mat Subventioune finanzéiert, géing gären opraumen a fir kloer Verhältnisser suergen, mee den Nicolas Didier mécht dobäi net richteg mat.

Néng eeler Leit ginn enger jonker Fra 380 000 Euro. Fräiwëlleg oder net?

Et kléngt wéi e Klischee: Eng jonk, attraktiv Fra léiert eeler Leit kennen, haaptsächlech Männer, deene si erzielt, si wier an enger Noutsituatioun. Déi Betraffe gleewen dat, a ginn hier Suen. Am Ganze geet et em 380 000 Euro. Am Prozess weist sech dann awer: An dësem Fall ass net alles schwaarz a wäiss. Ass d’Fra wierklech nëmmen hannert de Suen hier? Firwat hunn d’Leit hir déi Sue ginn? Goung et just em Matleed oder gouf et sexuell Erwaardungen? Gouf déi Ugekloten am Prozess wéinst hiren Originnen als Romnja diskriminéiert?

D'RTL-Journalistin Diana Hoffmann kuckt nach emol zeréck op e ganz emouvnte Geriichtprozess.

E vermësstent Kand wat haut kéint 7 Joer al sinn. Eng Mamm, déi implizéiert ass, mä net seet, wou hiert Kand ass oder wat mat him passéiert ass. Vill Froen, wéineg Äntwerten.

D'RTL-Journalistin Fanny Kinsch huet sech domat befaasst, wat geschitt wann an der Medezin eppes schif geet.

Medezinesch Feeler, Feeldiagnosen, Aléas thérapeutiques oder Accidenter: et sinn d'Ausnamen, ma et gëtt Opklärungsbedarf. Am Podcast schwätze mer iwwert d'Hannergrënn vun der Recherche a Froen, déi nach op stinn.

D' RTL-Journalistin Monica Camposeo war fir e puer Deeg an engem Flüchtlingscamp a Jordanien.

Am Camp hätt een d’ Gefill an enger Parallelwelt ze liewen. Am Podcast diskutéiere mer ënnert anerem doriwwer wei et fir Kanner ass an esou engem Camp an d' Schoul ze goen a wei eng Perspektiven des Mënschen hunn.

Den Dr. Marc Hanrion ass ee vu 65 Lëtzebuerger déi sech gemellt hunn fir Astronaut bei der europäescher Weltraumagence ze ginn.

De Bio-Statstiker schafft den Ament am Malawi. Mir hunn iwwer Skype mat him geschwat.

Den RTL-Journalist Pierre Jans war dräi Deeg zesumme mam Ausseminister Jean Asselborn an Ägypten a Jordanien.

Wat huet de Lëtzebuerger Ausseminister an der Regioun gemaach a wat waren Andréck vun der Plaz. Den Invité am "Nogehaakt" war de Pierre Jans.

Wei geet et aktuell de Jonken a wei hunn se déi lescht Méint erlieft?

Mir waren zu Esch am Jugendhaus an hu mat Jugendleche geschwat.

Mir hu mat zwee jonke Politiker geschwat, wei Sie di aktuell Situatioun bewäerten a wat hir Iddie si fir der Logementskris entgéint ze wierken.

D’Maxime Miltgen, Presidentin vun de Femmes Socialistes an de Michael Agostini President vun de jonken Demokrate waren Invité am éischten Episod.