Unë jam Rubini, jetoj në Tiranë dhe jam 31 vjeç. Kam studiuar në Universitetin e Arteve ku kam mbaruar një master për “Pikturë Monumentale”. Përveç punëve në art, botës së televizionit, redaktimit të teksteve dhe librave, kultivoj një sërë pasionesh të tjera. Kështu, pas pjesëmarrjeve nëpër aktivitetet e sportit të notit dhe të boksit, tashmë jam edhe trajner në ato disiplina. Gjithashtu, një pjesë tjetër e kohës time i kushtohet edhe kuzhinës, ku së fundmi studioj në mënyrë autodidakte duke eksperimentuar në kuzhinën tradicionale. Në të ardhmen e shoh veten time pikërisht kështu, plot pasione, përtej punës dhe profesionit.