In hierdie inspirerende gesprek vanuit Elsiesrivier deel Rudi Nagel sy geloofspad en herinner ons daaraan dat “bloed dikker as water is.” Hy vertel hoe God hom gelei het van gebed tot praktiese betrokkenheid in sy gemeenskap – van die skoonmaak van die Elsieskraalrivier tot die ondersteuning van mense wat ’n werklike verskil maak. Rudi beklemtoon dat ons nie net ander moet vra om iets te doen nie, maar self ’n rol kan speel, en dat ware verandering begin wanneer ons luister, saamwerk en diegene ondersteun wat reeds hande vat om hoop en lewe te bring.