Listahópurinn Kvistur kynnir barnaleikritið ,,Rúsína prinsessa vill tunglið." 
Rúsína frá Sírópíu er heimtufrekasta prinsessa í heimi. Hún vill alltaf meira og meira. Pabbi hennar konungur Sírópíu er orðinn langþreyttur á duttlungunum hennar og þráir að setjast í helgan stein. Hann lætur boð út ganga að sá sem nær að uppfylla æðstu ósk Rúsínu prinsessu, að útvega henni sneið af tunglinu, fær að giftast henni og taka við konungsríkinu. Fátæki bóndasonurinn Markó Póló leggur upp í hættuför til að vinna hug prinsessunnar.
Skemmtilegt nútíma ævintýri fyrir börn og fullorðna. 
Leikarar: Hildur Kristín Thorstensen, Óskar Harðarson, Gunnar Jónsson og Eyrún Ósk Jónsdóttir.
Höfundar: Eyrún Ósk Jónsdóttir og Gunnar Jónsson
Upptökustjóri, klipping og tónlist: Óskar Harðarson