في حلقتنا عن العنف التوليدي، بنتكلم عن موضوع مهم وحساس جدًا: الإيذاء اللفظي والانتهاكات اللي بتتعرض لها الستات وقت الحمل والولادة. من أول دكتور بيتجاهل وجع الست، لحد لمسات مش مفهومة أثناء الكشف تخليها مش عارفة ده فحص ولا حاجة تانية، ودكاترة بتعمل إجراءات طبية من غير ما تاخد موافقة، أو تضغط على الست عشان تولد قيصري عشان الزوج شايف كده أحسن. هنتكلم عن مواقف مكررة زي إن الدكتور يكلم الزوج ويتجاهل الأم، أو يقول كلام جارح زي: "هو إنتي أول مرة تولدي استضفنا في الحلقة دي خديجة بن سعيد – دولا ومدربة ولادة طبيعية معتمدة – وشاركتنا بخبرتها وساعدتنا ننشر الوعي ونساند الستات.

من حق أي بنت إنها تخرج وتقابل أصدقائها أو زمايلها من غير ما تتعرض لمضايقات. مع انتشار عالم الايفينتات في مصر، سبيك أب بتحاول تكون موجودة في كل ايفينت لمساعدة البنات في حالة حدوث أي تعدي. من أول الايفينتات اللي شاركت بوجودها كان في ريد بل ساوند كلاش وكانت تجربة رائعة.

ضيف حلقتنا، مدير تسويق شركة ريد بل، عمرو حلمي، وبنتكلم بالتفصيل ازاي منظمين الحفلات يقدروا يوفروا للبنات بيئة آمنة تستمتع فيها بيومها.

ازاي وحدة شئون المرأة في النيابة الادارية بتحمي السيدات من أي تعديات من موظفين حكومة

عمرك قعدت سنين بتعاني من ألم والدكاترة مش عارفين يشخصوه ويقولوا لك إنها حالة نفسية؟ حلقة الإسبوع ده مع الطبيب النفسي د. عدلي الشيخ. هنفهم أكتر ازاي الصدمات النفسية بتأتر علينا جسديا حتى لو بعد سنين من الواقعة، ازاي أعرف إني محتاجة تدخل طبي، المعني العلمي لكلمة تروما، حدود طبيبك النفسي خلال الجلسات، أماكن في مصر بتوفر مساندة نفسية مجانية وحاجات تانية كتير.

أعمل إيه لو مديري أو أي شخص له سلطة عليا في مكان العمل تطاول وتجاوز حدوده؟ حلقة مهمة جدا مع أستاذة هبة عادل

الأمهات بتتفاجئ بمناقشات وأسئلة من أطفال ٢٠٢٤. حاجات عمرنا ما كنا بنسمعها زمان. ومع تريند ظهور التوعية الجنسية للأطفال لحمايتهم من أي مخاطر، مازال بعض الأهالي غير مستعدين وخايفين من المحاورة مع أطفالهم. علشان كدة حلقة الأسبوع ده مع دكتورة التربية الايجابية والتوعية الجنسية د. رنا هاني. مؤسسة مبادرة "مش حاجة عيب" هتساعدنا نفهم أكتر ازاي نوعي ولادنا بشكل مناسب لأعمارهم وازاي نواجة أي مشكلة خاصة بالسوشيال ميديا واللعب أونلاين زي روبلوكس في السن الصغير.

حلقتنا الأسبوع ده مع أستاذة الطب النفسي دكتورة منى رضا وهنتكلم في الجزء النفسي للضحية في ما بعد واقعة الإعتداء. 

ليه المجتمع ممكن يلوم الست، شكل الأسرة أو التربية اللي بتوصل بنت لأنها تلوم نفسها، شكل الحياة الزوجية بعد تعرض الزوجة لإنتهاك جسدي من غريب، ازاي أساعد الضحية تتعافي، وحاجات مهمة كتير.

ستات كتير طلبت مننا حلقة مخصوص عن الابتزاز الالكتروني وخطوات البلاغ السليمة في مباحث الانترنت. ضيفتنا هي هالة دومة - محامية بالاستئناف ومؤسسة مكتب حرية للمحاماة. هنتكلم بالتفاصيل عن الورق اللي هتحتاجيه، تقدري تبلغي من سن كام لوحدك، الخطوات بالتفصيل، والغلطات الشائعة اللي البنات بتعملها وبتخسرها القضية.Show less

حلقة الأسبوع ده من بودكاست سيف أند لاود بتتكلم عن موضوع حساس ومهم وهو التثقيف الجنسي للأطفال ذوي الاحتياجات الخاصة.

ضيفتنا هى هايدي كارم مؤسسة منصة بوند لدعم ذوي الإعاقة في الشرق الأوسط وبتقدم كورسات توعية جنسية. هنعرف ازاي بنوصل مبدأ الحدود الشخصية والأمان لولادنا ودورنا كأهالي في حمايتهم، إيه الأعراض اللي بتظهر على طفل بيتم التحرش به، مدى نجاح الكورس مع أطفال ذوي الهمم، وازاي بيمكن الأطفال في حياتهم.

ضيفة الحلقة الجديدة هي ني نتر الغزاوي عضو لجنة السياحة والطيران المدني في مجلس النواب المصري. في الحلقة هنعرف تفاصيل تشديد عقوبة التحرش وهنتكلم بالتفصيل عن مشاكل النقل الذكي اللي بتهدد أمان الستات واقتراحات وتوصية النائبة ني نتر الغزاوي أثناء التحقيقات مع شركة النقل الذكي.