Inspirational biographical narrative about St Anthony of Padua in Ilocano. This is the second part of the story.

EXCERPT:

" Idiay siyudad ti Lisbon, adda dua kadagiti umili a napalaus ti gurada iti tumunggal maysa. Iti maysa a rabii, daydiay anak a lalaki ti maysa kadagitoy nga agbinnusor ket nakasinnarakna ti anak a lalaki daydi kabusor ti amana. Agnaed dagitoy iti asideg ti taeng dagiti nagannak ken ni Antonio. Nakita daydi umuna a lalaki nga awan tao a sabali nodi ket is-isuda,

Rimsua ti dakes a panunot kenkuana agsipud ta awan makakita no aniaman ti aramidenna. Napnuan pungtot daytoy a nangtagbat iti anak ti kabusor ni amana ket isut’ impatay daytoy. Kalpasanna, intabonna daydi bangkay iti minuyongan ti daga ti kaamaan ni Antonio. Idi naduktalan ti turay ti kaadda ti bangkay iti uneg ti sanikua ti ama ni Antonio, naaresto daytoy. Nupay inkagumaanna a paneknekan nga awan basolna, daydi kaadda ti bangkay iti inaladanna ket napigsa a pruweba kontra kenkuana.

Bayat ti pannakapasamak daytoy a trahedya, impaltiing ti Dios ken Antonio nga adda idi idiay Padua ti sasaaden ti amana. Dagus a nangala ti palubos ni Antonio nga umadayo iti maysa a rabii. Babaen ti panangballaet ti Dios, iti las-ud laeng ti sumagmamano nga oras, nupay ti Lisbon ket addaan iti distansiya a sangaribu ket dua gasut a milya (1200) manipud Padua, nakadanon ni Antonio iti balay dagiti dadakkelna iti sumagmamano laeng nga oras.

Idi addada iti korte, dinawat ni Antonio a dagusenda nga ipakita daydi bangkay ti natay. "

CONTINUE. Listen to PODCAST for the full episode.