In today’s selicha we ask the One hidden on High of hear the sweet voices of the Jewish people so we they can hear “I have forgiven.”
Follow along with the text:
יֹשֵׁב בְּסֵתֶר עֶלְיוֹן, מָגִנִּי וְצִנָּתִי. צַעֲקָתִי הַקְשִׁיבָה, וְהַאֲזִינָה רִנָּתִי. חַטֵּא אֶת־חַטָּאתִי, קָדוֹשׁ תֵּן תִּקְוָתִי. נַפְשִׁי בִּשְׁאֵלָתִי, וְעַמִּי בְּבַקָּשָׁתִי:
צְדָקָה עֲשֵׁה לְעַמֶּךָ, קָדוֹשׁ לְמַעַן שְׁמֶךָ. כִּי פַּסּוּ תְּמִימֶיךָ, מַעֲבִירֵי זַעֲמֶיךָ. וּמַגִּישֵׁי לַחְמֶךָ, לָכֵן עַתָּה בָאתִי. נַפְשִׁי בִּשְׁאֵלָתִי, וְעַמִּי בְּבַקָּשָׁתִי:
חַטֹּאת נְעוּרַי תַּצְלִיל, וְיָם יֵהָפְכוּ כְּצָלִיל. וְצֶדֶק זְקוּנִים תַּסְלִיל, וְשַׁוְעַת נְכֵאִים תַּכְלִיל. וְעֵת תְּנַקֵּנִי כְּבַעֲלִיל, מַסְטִינִי אָז יְיֵלִיל. כִּי לִבִּי לְךָ כָּלִיל, עַתָּה הִנֵּה בָאתִי. נַפְשִׁי בִּשְׁאֵלָתִי, וְעַמִּי בְּבַקָּשָׁתִי:
חַנּוּן חַי חָנֵּנִי, לְקוֹל זַעֲקִי בִּגְרוֹנִי. בְּשָׁמְעֲךָ תַּעֲנֵנִי, סְלִיחָתְךָ תַּרְבֵּנִי. חַיִּים תִּכְתְּבֵנִי, וְעָנְתָה בִּי צִדְקָתִי. נַפְשִׁי בִּשְׁאֵלָתִי, וְעַמִּי בְּבַקָּשָׁתִי:
זֶה אֵלִי הוֹשִׁיעָה, וּזְכֻיּוֹת הַכְרִיעָה. וּמִזְּבוּלְךָ הוֹפִיעָה, חֹן סֹעֲרָה וְסֹעָה. וּמְלָשְׁנִי הַבְלִיעָה, צֹאנְךָ מִלְּהַפְשִׁיעָה. פֶּן אֶרְאֶה בָרָעָה, בְּאָבְדַן מוֹלַדְתִּי. נַפְשִׁי בִּשְׁאֵלָתִי, וְעַמִּי בְּבַקָּשָׁתִי:
קַדֵּשׁ שֵׁם קָדְשֶׁךָ, חִלְּלוּ בְּמִקְדָּשֶׁךָ. וְאַהֲרוֹנִים קְדוֹשֶׁיךָ, מַגִּישֵׁי אִשֶּׁיךָ. וּמַה־יַּעֲשׂוּ קְדוֹשֶׁיךָ, כְּפַסּוּ קָדָשֶׁיךָ. שְׁעֵה־נָּא מַקְדִּישֶׁיךָ, כְּפָרִים אִם־שִׁלַּמְתִּי. נַפְשִׁי בִּשְׁאֵלָתִי, וְעַמִּי בְּבַקָּשָׁתִי:
יֵרָצוּ עֲבָדֶיךָ, לְמַעַן שֵׁם כְּבוֹדֶךָ. מְיַחֲדֶיךָ מְעִידֶיךָ, כִּי אֵין בִּלְעָדֶיךָ. בַּקֵּשׁ נָא אוֹבְדֶיךָ, הֵן בָּאוּ עָדֶיךָ. כִּי טוֹבִים דֹּדֶיךָ, פָּנֶיךָ בִּקַּשְׁתִּי. נַפְשִׁי בִּשְׁאֵלָתִי, וְעַמִּי בְּבַקָּשָׁתִי:
קוֹלִי יֶעֱרַב נָא, כְּמֵחִים תּוֹךְ צִיּוֹנָה לְטוֹבָה הִפָּנֶה־נָּא, לְהַמְצִיאֵנִי חֲנִינָה. כִּי אֶל־מִי אֶפְנֶה־נָּא, בְּאֵין מַשְׁעֵן וּמַשְׁעֵנָה. לִמְיַחֲלֶיךָ סְלַח־נָא, הַשְׁמִיעֵם סָלַחְתִּי. נַפְשִׁי בִּשְׁאֵלָתִי, וְעַמִּי בְּבַקָּשָׁתִי:
Join the WhatsApp group for this podcast: https://chat.whatsapp.com/DZkfSrCujZA26owBhxOJvx?mode=ems_wa_c
Send any questions, comments, or critiques to [email protected]
If you would like to partner with us to create more thoughtful and accessible jewish content, visit torahinmotion.org/donate, or email us at [email protected].
You can find more thoughtful Jewish content at torahinmotion.org
